شوية اكلات سهلة الطهي لرمضان

اولا نبدأ بالسحور:

اكتر من 90% من العرب بيتسحر الفول

وبناء علي طلب الاخ باص هشرحة

1- المكونات:

نشوف الكمية المناسبة اللى هنطبخها نقول مثلا 4 كبايات فول ممكن ل 5 اشخاص

" للاخ باص الفول عندنا بنشترية يا ما من العطار ياما اكياس مغلفة"

الطريقة:

ينقي الفول من الشوائب لو فية اساسا شوائب وبعدين نغسلة كويس ونحطة في القدرة او اناء الطهى ونملا القدرة ماء حتى يغطى الفول ويزيد كتير بس نسيب مسافة علشان لو فار

نحطة علي نار متوسطة لحد لما يغلى وبعدين ينقل علي نار هادئة اوى واى وهيتساب قول 6 ساعات علي النار " علي حسب النار" ومن فترة للتانية بندوق ونعرف استوى ولا لأ

قبل لما يستوى بحاجة بسيطة بنحط طماطماية صغيرة ونقطعا علشان تدى طعم

" مش هنحط ولا ملح ولا فلفل ولا الكلام دا"

بس كدة لما يستوى بناخد علي قد ماحنا عايزيين ونحط : الزيت والملح والفلفل علي حسب الرغبة"


2- ممكن مع السحور جبنة ولبن والكلام المعروف بقي

ثانيا : الفطار:

ممكن نعمل فرخة مسلوقة او لحمة

بما ان انت مبتدا هنقول طريقة تود ى الغرض هى مش متسبكة بس حلوة

1- الفراخ: هنجيب الفرخة بعد لما تتنضف طبعا ونحطها في الحلة ونقطع عليها بصلة حلقات ونحط ماء لحد لما تغمر الفرخة ونحط ملح وفلفل وورقة لورا ومستكة

بس ونسبها بتاع 25 دقيقة ونقلبها في نصف الوقت

ونعرف ازاى انها اتعملت نشوف طرف الدبوس بتاع الفرخة لو اللحمة بعدت عن العظم يبقي استوت ولو مش عارفين اكيد اكيد نصف ساعة هتكون استوت

نصفيها ونحطها علي طبق

الشوربة:
بعد لما عملنا الفرخة نجيب مصفي ونحط تحتها حلة جديدة ونصب شوربة الفرخة علشان نصفي البصل وكدة تبقي اتعملت الشوربة ناقص لسان العصفور

نجيب الشعرية او لسان العصفور شوية مناسبين

نجيب طاسة ونحط شوية زيت ونحمر الشوربة او لسان العصفور بس يتغير لونة
ونحطة علي الشوربة اللى لسة مصفيينها بعد لما تغلي ونحط ملح حبة صغيررين ونسبها 15 دقيقة

وبالهنا والشفا

الشوربة من غير الفراخ:

هنعمل لسان العصفور او الشعرية زى ما قلنا ونحطها في ما بيغلي "حلو ماء " ونضع مكعب مرقة دجاج ونسبها تستوى

اللحمة:

هتعمله ا زى الفرخة بالضبط بس مش هنحط ورقة لورا ولا المستكة وهتقعد وقت اطول

المكرونة:

هنجيب حلو ونحط فيها ماء ونسبها تغلي ولما تغلي نحط المكرونة اللى عايزنها مع مراعاة ان 1/2 كيس المكرونة يقضي 4 اشخاص يوم واحد

ونحط ملح ونسبها 15 ساعة علس نار هادئة

نشلها من علي النار ونصفيها في المصفة

ونجيب حلة تانية او نفس الحلة الاولى بس نغسلها الاول ونحط فيها شوية ملح صغيريين وشوية شطة علي حسب اللرغبة ومكعب مرقة دجاج ومعلقتييت صلصة مثلا علي حسب المزاج ويتقلبوا كويس
وبعدين هنضيف المكرونة بعد لما تتصفي وتتقلب كويس ونسبها علي نار هادية جدا جدا 5 دقايق وتتاكل بالهنا والشفا

الارز:

بس في وصفات مبعوتة لكل انواع الرز بس انا هتكلم عن الارز العادى خالص

بتجيب الارز وتنقية وتغسلة كويس
وبعديت هتجيب حلو وتشوف ان حطيب كام كوب ارز وبنفس الكوب هتحط نفس عدد الاكواب ماء ونفس عدد الاكواب هتحط معلقة الشاي الصغيرة ملح

وتقلبهم وتحطة علي نار هادئة جدا جدا ومتفتحش كل شوية عليةعلشان تشوفة علشان ميعجنش

وبعد ساعة وربع هيكون استوى

الارز بالشعرية:
الشعرية في اى اكلة هتتعمل زى ماشرحنا ا فى الشوربة هنعملها مع الزيت شوية وهنحطها علي الارز ونقلبة وبرضوا هنغطية ومتفتحش كل شوية عليةعلشان تشوفة علشان ميعجنش

السلطة بتهيالى سهلة : ومهمة اوى علي الفطار هنقطع خيار وطماطم وممكن اى حاجة خضضرة عليها مع شوية ملح وليمون

ناقص الخضار:

البسلة والبامية : دول الموجودين دلوفتى

هتقطع بصلة صغيرة لقطع صغيرة اوى اوى ونحمرها في الزيت وبعدين نحط البامية او البسلة ونحط شوية صلصة وماء وملح وفلفل

وبعد ساعة هتكون استوت

البطاطس في الدمعة :

1- بطاطس محمرة : هتحمر شوية بطاطس نصف تحمير وتخرجها من الزيت
تجيب حلو وتحط شوية ماء مش كتير وملح و شطة ومرقة دجاج وصلصة وتقبلهم
وتسبهم يغلوا لما يغلوا نحط فيهم البطاطس اللى كنا محمرية ونحطة علي نار هادئة بس لازم نبقي جمبة لانة هيشرب الماء فهنشوف امتى هنحتاج اننا نضيف ماء

وهو 10 دقايق ويتاكل

2- بطاطس في الفرن

هنجيب صينية وكل اللى جاى نى في نى علشان يستوا مع بعض البطاطس نقطعها حلقات سميكة ونحط قطع طماطم عليها وممكن قطع لحمة او فراخ وهى نية وهنحط 5 معالق كبيرة صلصة لو الصينية كبيرة و3 كوب ماء او اكتر لحد لما تغمر الصينية وهنحط ملع وفلفل علي حسب الرغبة

هيتحط في الفرن من 1.15 الى 1.30 ساعة وبالهنا والشفا الفرن حرارتة متوسطة

الجلاش : او الرقاق

الجلاش هنسوى الاول ورقة لحمة مفرومة نصف سوى ونصفي الما ء بتاعها وهى بتستوى لوحدها من غير بصل ولا اى حاجة بس اللحمة مع شوية ملح

اوبعدين نحط شوية طبقات كتير من الجلاش وبعدين اللحمة وشوية طبقات تانية من الجلاش وتدهن الجلاش في الاخر بالسمنة " وش الصينية" والبيض علشان تحمر

وتوضع في صينية مدهونة بالزيت او السمن كويس علشان متلزقش

10 دقايق والجلاش هيستوى

الرقاق نفس الطريقة بس الرقاق بيبقي ماسك نفسة فهنحطة في الماء يطرة ونشيلة علطول ونحط في لصينية والباقي زى ما هو

وبكدة السفرة كملت
وبالهنا والشفا

معلش لو في غلطات املائية بس لسرعة الكتابة

مشكوره غلاي

حلوو موضوعك زيك



يسلمو غلاي

يسلمو يا قلبي

با نتظار مزيدك